தொழில்நுட்ப பகுப்பாய்வு(Technical Analysis)

இந்த தொழில் நுட்ப பகுப்பாய்வு எதற்கு? கம்பெனி இலாபம் கொடுத்தால் அதன் பங்குகளை வாங்கலாம். நட்டம் காட்டினால் விற்றுவிடலாம் அவ்வளவு தானே?
இதில் தொழில்நுட்ப பகுப்பாய்வு எங்கே வந்தது? 
இது எப்படி வேலை செய்கிறது? 
இல்லை நிஜமாகவே வேலை செய்கிறதா? 
அப்படிச் செய்தால் எவ்வாறு நாம் பயன்படுத்திக் கொள்வது?


                முந்தைய பதிவின் அருணையே இதற்கும் எடுத்துக் காட்டாய் அழைக்கலாம். அவர் வெளியிட்ட பங்குகள் 10 லட்சங்கள். இதை முதலில் வாங்கியவர்கள் ரூ 20/- கொடுத்து வாங்கினார்கள். வாங்க இயலாமல் போனவர்கள், வாங்கியவர்களிடமிருந்து வாங்க முயல்வர்.
           
                 அருணின் தொழில் வளர வளர பங்குகளின் விலைகளும் ஏறுமுகமாகவே கைமாறும். அதே வேளையில், ஏதேனும் ஒரு எதிர்மறைச் செய்தி வரும் போது, அதே பங்குகள் குறைந்த விலையில் கைமாறும். இப்படி கைமாறும் பங்குகள் எந்தெந்த விலையில் அதிகமாக பரிவர்த்தனைகள் நடைபெற்றன, அதன் மூலம் அடுத்து கைமாறும் அளவு எந்தயிடத்திலி இருக்கலாம் என்பதை நாமே மிகவும் பொறுமையாக உட்கார்ந்து கணக்கிட்டுக் கொள்ளலாம். ஆனால், அதற்கு அவசியமில்லை. அதையெல்லாம் எப்படி சுருக்கமாகக் கணக்கிடுவது என்று ஏற்கனவே பல வல்லுனர்கள் குறித்து வைத்திருக்கின்றனர். அதனைப் புரிந்து கொண்டாலே போதும் , பங்குகளின் ஏற்ற இறக்கங்களை மிக எளிதாக கண்டு கொள்ளலாம்.


அடுத்தடுத்தப் பதிவிகளில் ஒவ்வொன்றாகப் பார்ப்போம்...